شعر لسيدة سعودية
ورجعتى تانى يا مصر لحضن سجانك .. تدوسى بالجزمه ع الورد اللى كان زانك
وتاخدى اللى قتل ولدك في أحضانك .. واللى يقول الحق. تقولى عليه خانك
ورجعنا تانى بلا عيش وحريه .. واصبح الدم أرخص فيكى م الميه
يا إخوانا عمر الثورة ما تبقى بالنيه .. الثورة حريه. فازاى يكون السجن عنوانك
مش سلفى ولا ليبرالى .. ولا كنت يوم إخوان
بس اللى شوفته بعينى قرب يجيبلى جنان .. أطهر شبابك يا مصر بيموتوا قدامك
وانتى نزلتى تبوسى رجل خدامك .. وتتزينى للى اغتصب شرفك وأحلامك
وتقولى تسلم أيادي اللى سفك الدم في مقامك !
مبروك عليكى يا مصر.....! حققتى أحلامك
لكن عمر الباطل ما يطول زمانه ....ده كلها شوية ويسيبك في حالك
الحق دايما هو اللي غالب ....... مهما طال الباطل وظلامه اللى حالك
يارب نصرك قريب والامل فيك كبير ... لا ترجعنا لزمن العبيد و المهالك
مصر هترجع لاهلها باذن ربها .... وكلها ايام و يظهر الحق و يتحبس سجانك
يا سلام على فرحتى يومها ..... لما اشوف الحق انتصر و الظلم في الحبس و المهالك.
