شريان الكرامة
طارق أبو فراس الأحوازي
نبع الجود يا مجره الفخر كارون
او عله احدوده تظل تنطر نشامه
شريان الكرامة اشلون منّه انيوز
شلون انعيش گلّي ابلا كــــرامة
ماله امكان للبلذل يريد ايعيــش
ويّانه او يريد ايدنّگ الهــــامـــه
الخايـــــن بعد ما واحد ايلفّيــــه
مكسور العصــا او طــايح سلامه
ترا باچــر بعد ماتنـفع اليالـــيت
لا تــوبــة التـنفعـه او لا نـدامــة
ترا وكت الظلم لابد وأن ايزول
نعم مرّة ولكن تــنــتــهي أيّامه
ترا ليل الظلم مهما تعدّه و طال
رجال الوطن توجف درع جدّامه
عالحد ننشتل شوك ابعيون اليل
نرجع بالنصـر واعدنه الـيـتامــه
نلتف عالنهر باچر نصیر احزام
واليوصل الشاطي انكسر اجدامه
والله لو نشف هذا النهر هيهات
ليل انخلّي لابن ام چـادر اينامه
والله لو نشف هذا النهر نسگيه
من دمنه او نداوي اجروحه والامه
والله لو نشف خليهم ايسمعـون
اذا ثار الشــعـب ما تسلم اعمامه
ما تسلم اعمامه
ما تسلم اعمامه
ما تسلم اعمامه...
