القاضي قال مفيش دليل
مصطفى عبده طه السعدني
القاضي قال
مفيش …. دليل
والحـــُكم !
براءة المتهم
من كل تهم القتل والتنكيل
بــــراااااااءة !!!!؟
إزااااي!؟
وفساد السنين اللي راح!؟
مخلاااااص ….. راح
وكفاية عويل
وقلوب الناس الليّ سكنها رصاص
والدم الليّ سال من الجبين
وروى أرضك يا مصر زي النيل
مطلعش دليل ..!!!؟
طاب ابك يا أم الشهيد
إبك يا أخت الشهيد
وخل دمع العيون يسيل
على وطن
ضاع فيه العدل
والعقل فيه اختل
وصرت يا وطن
زي الصحراء من غير دليل
***
إبك يا أم الشهيد
إبك يا أخت الشهيد
وخل دمع العيون يسيل
…. ويسيل
على ثورة شباب
طــــاهر … ونقي …. وعفيف
حلم في يوم
يكون له وطن.... جميل
يرفع فيه رايات الحق
ومراكب العدل تفرد
شراعها .... وتسير
دا هوى الوطن …. والله عليّل
***
إبك على وطن
أرخض ما فيه الدم
الكل غنى باسم الحرية
وقسموك يا وطن
دا اخواني …. ودا ليبرالي
ودا سلفي …. ودا علماني
والكل في بعضه …
للأسف .... بـــيـــذمّ
وضعت يا وطن
وضاع معاك..... دم
الشهيد والحلم
من حسرتي يا وطن
بكيت
ومن كل أغاني الحزن عشانك
غنيت...
ولسه صابر عشانك...
ما اتحنيت
مع إن حالك زاد عليا
من الهمــــوم ..... همّ
