إخواااااااااااان
07نيسان2012
عزة راجح
إخواااااااااااان؟!!!!!!
عزة راجح /مصر
إخوان .....
وليه في الخِفَى
يوسف في جُبْ رموه ؟!
لا خافوا على دمهم
ولا لحمهم حفظوه
هو ابن آدم كِدَه
يقتل في لحظه أخوه ؟!
طبع و قابيل قبلهم
جهله بغباء ورثوه ؟!
نسيوا كلام ربهم
حتى الشيطان غلبوه
زرعوا العداوه ف قلبهم
والنبت فين يبيعوه ؟!
مكروا وحبكين مكرهم
حتى الخداع خدعوه
لسان بهمس الندى
والوش لون دهنوه
والشاطر اللي بفرشته
عمي النظر يشوفوه
عجبي
