أنواع الناس
أبو هشام
الناس .......أنواع كتيرة و أجناس
في ناس ........متل الناس ولا باس
وفي من الناس.......... أرذل ناس
في ناس ........راكبين فوق الناس
وفي ناس ....مكانهن تحت المداس
البعض...... أعمالهن بترفع الراس
والبعض ...أعمالهن بتوطي الراس
في ناس ...إيديهن وروسهن بتنباس
وفي ناس.. لازمهن ( كهربا ماس )
أو الشتم......... والضرب بالمداس
في ناس ....قلبهن صافي ( غلاس )
وغيرهن ....كل يوم بغيروا الحلًاس
في ناس..... بتوسوس لبعض الناس
وإلهن مع إبليس....... عرق دساس
وفي ناس .......أكابر من أكرم ناس
وفي ناس ....أخلاقهن متل النسناس
بياكل و بينكر.......... متل البساس
في ناس .........تقرع لهم الأجراس
و غيرهن ....علكة تحت الأضراس
في ناس......... أبوابهن بلا حراس
وغيرهن ........مسكر بأكبر درباس
في ناس .قشطة وعسل لخدمة الناس
وفي ناس....... صبر وعلقم وإفلاس
ناس همها الشرف ...و عزيز الكاس
أو عايشين بالرشوة .....و الإختلاس
في ناس عزيزه ..نفوسهن والإحساس
وفي ناس كرامته ....بالأرض بتنداس
في ناس سعرها ..أرخص من النحاس
وفي ناس .....بلاتين أو دهب و ألماس
ناس همهن ....أرض القدس و الأقداس
وناس .....عم تضرب أخماس بأسداس
ناس نبيلة .........عزيزة منها الأنفاس
وناس بليدة ....عايشة همل بلا إحساس
ناس حياتهن ....حب و أصالة وحماس
وناس ..........حيوانات ما إلهن أساس
ناس سقطوا........ فوراً بسوق النخاس
وغيرهن ..........شهدا عند رب الناس
