يا حلب يا وجعي

ياوجعي

ياوجع الجرح اللي بقلبي

احكيلي عن حلب ولاتخبي

قللي حجارا ليش انهدّوا

قللي ولادا ليش احتدّوا

قللي الوجع الدامي بقلبي

إيمت رح يخلص من دربي

ياوجع الجرح اللي بقلبي

احكيلي عن حلب ولاتخبي

احكيلي عن أهلي اللي ضاعوا

آثار جدودي اللي انباعوا

فين بوابا  .. فين حجارا .. فين سواقا  ما بينعدّوا

لاتهتمي رح ترجع والشاهد ربي

ياوجع الجرح اللي بقلبي

احكيلي عن حلب ولاتخبي

فين الطفلة الكانت تلعب

والأم اللي تربي وتتعب

والحلم اللي بعمرن أصعب

ياحلب العتمة وبتعدي

ياحلب العتمة وبتعدي