آه يازمن

م. عاطف محفوظ القاضي

آه يازمن

م. عاطف محفوظ القاضي

atefkady56@yahoo.com

آه يازمن الصح فيه بقى غلط

نزل الخشب للقاع وعام الزلط

آه يازمن ياماشى بالمعكوس

الظلم نجمه على والعدل بات مطموس

آه يازمن يا ماشى بالمقلوب

فيه القوالب نامت وقامت نصاص الطوب

آه يازمن المشاكل اللى ماليها حل

المر زاد ف الحلق وطعم العسل بقى خل

آه يازمن السفسطه اللى الكلام زاد فيه

سكت الحكيم والتزم وسمعنا صوت السفيه