باهي الطلعة...

باهي الطلعة جمالك شرحُ يطول

أوصف لهيجك أم قدك المهزول

شان علينا هواك وطرفك المسلول

كم أمضتنا أثل وأفنتنا نصول

يا الغرامك عذّب شباب وكهول

أرحم مضناك يا الخلبتا عقول

ظبي البوادي النافر وجفول

كفاك انزواء وكفانا مثول

القمر إن شافك في سماه يزول

والغزال لو راك أضحى ليك دخول

يا ناعس ومايس ولصرعاك خذول

لو تجود ببسمة وتحقق المأمول

مهما نقاسي ويعترينا نحول

محال نترك غرامك وعن هواك نحول

ساحرنا بدلك وشعرك المسدول

وزرقة لماك الما عرفنا ليها وصول

فريع البان الفي علاه يصول

آسرني حسنك وخديدك المعسول

قليبي الما عرف الوجل مذلول

زلزلته حواشي وأسكرته شمول

مهما أقول وأوصف العطبول

وأجسد محاسن ليس ليها أفول

عاجز والله يا من أرهقت صؤول

فحال محاسنك وطدنا بيها أصول