المختار يدعو لمؤتمر حوار

معروف أن المختار ورث المخترة عن أبوه , وأبوه استلم المخترة بالحيلة والمكر والخيانة وصار مختار الضيعة

من سنين المختار امسلطن وقاعد عالكرسي ومتربع , بس برف بعينو كل اللي حواليه بطأطيء , وزع الضيعة وخيراتها وآثارها وذكرياتها على نفسو وكم واحد من عيلتو

وكل واحد بالضيعة همتو نفسو يحكي كلمة لخير الضيعة , كان يقلهم جيبوه وعذبوه واجلدوه وبالقبر حطوه , واللي بسأل عنو من أهلو وعشيرتو معو خلوه

وهيك صار يتصرف , وأهل الضيعة من خوفهم صاروا يحييوه , إذا اعتدى عالضيعة غريب , هو بفتخر بحالو وبقلهم شايفين , كيف كنت بطل هلآ مارح رد عليهم رح يجي وقت واتشوفوا وين رح خليهم , رح فتتهم بالطول والعرض ومزعهم شرق وغرب , وأهل الضيعة بيعرفوه كذاب ومع هذا بحيوه وبهتفوا بحياتو وحياة أبوه , وقت اللي انحرج أبوه باع الجبل الجنوبي لعدو الضيعة وقلهم ياشعبي أنا سويت هيك حتى تبقى المخترة بيدي ومنوين رح اتجيبوا لو ماسويت هيك مختار متلي , وخرجت الناس اتحييه , وبالروح بالدم نفديك يامختار الأمة والكرامة والمقاومة والثورة العربية

واستمر الوضع على حالو الضيعة , فيها الخيرين سكتوا واللي ماتوا بالقتل والتعذيب أهلو وجماعتو قالو الله يرحمو وانتهت القصة عند هون

فقر وجهل وذل وقهر وتهجير وسجون طويلة مافي منها رجعه , ومع هذا وكلو طلع المختار ببدعه اجديده , لما شاف نفسو هو اللي بيحي وهو اللي بموت وهو اللي بذل وهو اللي بعز , قال للكل لازم كون أنا الرب وصدقوه بهاي الكلمه وسجدولوا بس ماالكل؟؟؟

قبلية الضيعة طلعوا اشوية أولاد بالصف الرابع الإبتدائي ونادوا بالصوت العالي الشعب الو رب غيرك ومافي غيرو هو الله , ونحنا الأطفال الصغار رايحين انسقطك

وبالفعل ثارت ثورة المختار هو وعبيدوا ورادوا يبيدوا الأطفال في الضيعة عن بكرة أبيهم , هون كانت النخوة ظهرت , وبقلوب الكثير انتشرت , وهبت بصوت واحد لا ...لا  يامختار , دورك هون انتهى ونحنا اللي منشيلك ومنحطك , وامتدت الأصوات في كل الضيعة , وكعادتو حول كل عشيرتو وأقرباؤا , وين في واحد مجرم جابو وين في واحد قاتل اشتراه , وانضم الو متل زي حكايتو من بنات وشباب المتعه , وصفَوا معوا وقالوا لأهل الضيعة ياإما كلكم رح اتموتوا , أو تسكتوا وللمختار تسجدو ا ولشخيختو وعيلتوا وأبوه تعبدوا

واتحدوا مع بعض وأهل الضيعة بصوت آلولوا انت مانك رب , إنتا قرد ابن قرد , ورح اندوسك انت وحزبك وجماعتك وانحطكم بالقبر

وقت المختار شاف العين الحمرا وشاف أنو مافي من الأمر مفره قرر يعمل مؤتمر لأهل الضيعة , وجلسة حوار حتى يخرج من الأزمه

واتقرر عقد المؤتمر بكره , والمدعو للمؤتمر مافي واحد منهم إلا من جماعتو , عجوز شمطا , وديك حبش , وامربع وكذاب ومنافق ومجلس الزريبه اللي عندو وفيهم طبل منفوخ , والنتيجة انتشرت بس المؤتمر يوقع عليها

والبيان جاهز وممهور بحافر المختار

واحد سوى المختار حوار مع نفسو وقرر يكون هو المختار وعيلتوا وناسوا واغناموا رح يبقوا , واللي طلعوا ضد المختار رح نبعتهم ؟؟؟؟

اتنين رح انقل مقر الرئاسة من جنوب الضيعة لشمالها , هادا المكان صارت خطر اكتير , رح انروح كلياتنا لقلعة اكبيرة في شمال الضيعة اسمها قلعة الشهبا هدول لساهم عما يعتقدوا فيني وبحيوني وبؤلولي انت الرب

والمكان اللي نحنا فيه رح يكون هدية لجارتنا اللي سلمتنا المختره , هي عندها دعم وقوة وامسيطره عالكل وخليهم يسطفلوا ببعضهم نحنا بكفينا القلعة

ومن هونيك رح انجمع حالنا وانحارب وانمانع حتى نسترد الضيعة

ورح ينتهي الحوار بالتصفيق والتهليل (الله والقلعة والمختار وبس)