يا سواقي الدم ..
يا سواقي الدم ..
عبد القادر أمين عبد القادر- طنطا
عضو اتحاد كتاب مصر
لما يبقى الحب .. كلمة
واما نغضب يبقى برضه الرد .. كلمة
والقرار مع إنه كلمة ..
عمره مازار المنام
يبقى أحسن حاجة نخرس
واللا نسأل بكره من ده بكام وكام ؟!
يا سواقى الدم دورى وادفنى كل الكلام
طلعى لى فعل واحد
حتى لو ناقصة حروفه
بس قادر يمحى خوفه
والرجولة والكرامة والشهامة ماليه جوفه
يمكن أصبر واللا أسكت
ع الكلاب لحظة ما تنبح
أو فى سيد الخلق تجرح
حتى برضه الكلب أحسن م الديابة
والديابة برضه أنضف
م الخنازير اللى عايشة ع الزبالة
والسفالة
والندالة
والجهالة
واسمعونى .. لسه عندى كلمتين
واللا اقولك .. لسه عندى موقفين
فجر بكره الساعة ظهرا ...
لما تبقى الدنيا ضلمة واللا نور
قصدى وقتك لسه ملكك
تحت كوبرى العزة واقفة
مركب الأحرار هتطلع بالقرار
Just لحظة تبقى عنده فى أى فين
لحظة تانية يبقى ردك مرة عملى
ومش كفاية
بس يمكن يحسبوها مرة تانية
قبل ما يقلّوا ف أدبهم
أو يراضوا الخلق حتى بتصريحين
مصر يا كعبة فى حبك
مصر يا اللى وصى " طه " بيكى وكل شعبك
يا اللى خيراتك هينة
مصر يا اللى نسله عندك من ماريه
علميهم إن حبه فرض عين
وان ردك مش هيبقى ف كل مرة بكلمتين
