سَلَامْةِ..الْبِيهْ!!

عَيْزِكْ تِجِيبِيلِي

فَوَّارْ يَا نُورْ عِينِي

أَشْرَبْ كِدَا وَافْرَحْ

وِالْكُلِّ يِوَاسِينِي

وِيْقُولْ:سَلَامْةِ..الْبِيهْ

أَخَدُوا الْعَيَا كِدَا لِيهْ؟!!!

يَا رَبِّ تِشْفِينِي

عَيْزِكْ تِجِيبِيلِي

فَوَّارْ يَا نُورْ عِينِي

أَشْرَبْ كِدَا وَافْرَحْ

وِالْكُلِّ يِوَاسِينِي

              ***

عَيْزِكْ تِنَسِّينِي

يَا حِلْوَه آلَامِي

أَعُّدْ كِدَا وَافَرْفِشْ

وِتْنَوَّرِ ايَّامِي

وِتْزَغْرَدَ احْلَامِي

وِتْزَهْزَهِ سْنِينِي

عَيْزِكْ تِجِيبِيلِي

فَوَّارْ يَا نُورْ عِينِي

أَشْرَبْ كِدَا وَافْرَحْ

وِالْكُلِّ يِوَاسِينِي

            ***

عَيْزِكْ تِقُولِيلِي

يَا حِلْوَه مِينْ حَلَّاكْ؟!!!

وِقُولِيلِي بَرْدُه كَمَانْ

يَا جَمِيلَه مِينْ سَمَّاكْ؟!!!

دَا انْتِ بَقِيتِ الْيُومْ

مَرْكِبْ تِعَدِّينِي

أَرْكَبْ وَاقُولْ اللَّهْ

وَانْسَى الْأَسَى وِالْآهْ

وَافْرَحْ كِدَا بْدِينِي

عَيْزِكْ تِجِيبِيلِي

فَوَّارْ يَا نُورْ عِينِي

أَشْرَبْ كِدَا وَافْرَحْ

وِالْكُلِّ يِوَاسِينِي

            ***

يَا رَبِّ قَدَّرْنِي

إِنَّي اسْعِدَكْ يَا جَمِيلْ

وَاسْهَرْ مَعَاكِ اللِّيلْ

وِ اللِّيلْ يِنَادِينِي

عَيْزِكْ تِجِيبِيلِي

فَوَّارْ يَا نُورْ عِينِي

أَشْرَبْ كِدَا وَافْرَحْ

وِالْكُلِّ يِوَاسِينِي