رئيس الائتلاف السوري أحمد معاذ الخطيب قالوا وقلنا
رئيس الائتلاف السوري أحمد معاذ الخطيب
قالوا وقلنا
مؤمن محمد نديم كويفاتيه/ سوري في اليمن
" الرئيس أحمد معاذ الخطيب رئيسالائتلاف الوطني لقوى الثورة والمعارضة السورية "
http://www.airssforum.com/showthread.php?t=200167
قالوا عنه ليس نبي مُرسل من السماء مُنّزل، وليس معه آية ، أو برهان يؤيده
... قلنا فهل ستؤمنون به إن علمتم أنه آخر مُنزّل
قالوا له ألف قصة وقصّة ويااااااااااااااااه على هالقصة ، ليش مابتعرفوا أنّو بيناتنا كفّار ومشركين ومنافقين ولا دينيين نستغفر الله على هذا القول
قلنا شو بتريدوا تفصيلة هاالزعيم ، يعني لابس بنطلون أو دشداشة ، اصلع أعور أم يكون من نسل الآلهة
قالوا شو عرفو بالسياسة ، هو خطيب جامع لاقدّم ولا أخر ، ومدرس تفسير وفقه وكمان مهندس ميكانيكي
قلنا الأنبياء كان بعضهم رعاة غنم، وزعيمنا الجديد اسم الله عليه متعلم ومثقف وفي أعلى الدرجات ، بالله دخلكم شو لازم يكون
قالوا صاحب حنكة صاحب خبرة ، يكون مشهور معروف ، أو يكون على هوانا
قلنا ماكفاكم شهرة دكتور العيون أعمى القلب ، وأبوه الواطي الملعون ، كان وزير دفاع واشتهر أكثر من هيفاء وهبي اليوم ، وأم كلثوم في ذاك الزمان
قالوا طيب هالرجل الو تاريخ تاني ، بتعرفوا أنّو وحده مسيحية أعانتو للإفراج عنه لأنّو عبدافع عن المسيحيين
قلنا شي كتير منيح حيرتونا ، طيب متفتح ومتمدن ، والرجل لامذهبي ولا طائفي وهوه خير تفصيل على الوطن
قالو تصوروا هاجم قانون 49 اللي بيحكم على الإخوان بالإعدام وما خاف من السلطات وكان مبتسم
قلنا هوّة ماخاف وأنتو خفتم وكنتم ساكتين وهادا الفرق بينكم وبينو
قالوا هوه الباب اللي بدّو يدخلوا منّو المنشقون
قلنا الوطن يتسع لكل تائب ومُستغفر
قالوا شو تاريخ هالرجل ، مانّو سياسي قديم ولا عتيد ولا ولا ولا ...
قلنا طيب كان في تشكيلات سابقة وماكانت عاجبتكم ، وفيها ماتدعون ، والرجل ماقصر وما تخاذل ، ومرتين جرجروه ليُخرسوه وما سكت
قالوا أستاذ دين وخطيب وداعية هادا اللي ناقصنا
قلنالهم بكرة بنجبلكم رقاصة وعلى الدقة ونص بترقصنا
الراجل ده نحكيكم بالمصري معروف بأهل الشام بالوسطية والاعتدال ونبذ الطائفية ، والجرأة بقول الحق ولو على رقبته ، وتوازنه وعلاقاته الإجتماعية الواسعة ، ومن أقواله " المرأة والرجل متساويان في الكرامة والإنسانية - ولا ايمان بدون تضحية ، ونرفض مبادئ الجبن والهروب - ومهما تكن ضريبة الحرية فادحة ، فإن ضريبة الذل أفدح – ونرفض الفكر التكفيري الغضوب ، ونرفض الطائفية والعصبية وضيق الأفق ، وأن السياسة وسيلة لاغاية ... هل اقتنعتم أنّو الرجل مو نبي ، ومع ذلك أبهر العالم أجمع ...
مو الشغلة بالشهادة والبروظة ، ولا الفلسفة والنطوطة ، وعلى وجهه جاء الخير والاعتراف ، اللهم زيد وبارك ، اللهم إني قد بلغت .. اللهم فاشهد
