سَـألوني بحـورانْ شـو صـايِر ْ

سَـألوني بحـورانْ شـو صـايِر ْ؟

إلتِلهُمْ مِن دَرعـا هلّـتْ البَشـايِر ْ

دَرعـا يللي بَلَّشِـتْ الثَـورة

أهلهـا أحـرار ْ وحـراير ْ

أرضْ حَمـزة الخَـطيبْ وتامِـر ْ

وأرضِ النشـامى مِن العشـايِـر ْ

مبارِح ْ سَـئط اللواءْ اتنين وخمسين

وبكـرة مَطـار (الثَعلـة) طايِـر ْ

هـادا نِظـام ْ ماكـان ْ يفهـم ْ

مافي شـي يوئّفْ بوجه ْ شَـعب ثايِـر ْ

نِظـام ْ كل ْ يـوم عَمْ ينهِـزم ْ

وتزيد فيه الفطايس والخسـايِر ْ

مهمـا طـال الزمـان ْ

الجور ْ رَح ْ ينئِـلِبْ على الجايِـر ْ

يللي يوزّع المـوتْ على شَـعبو

رَح ْ يجيـه المـوتْ بيـوم زايِـر ْ

عمـرو حاكِـمْ مافَـنى شَـعب ْ

الشَـعب بيبئ والحاكِـمْ آخِـرتو المآبِـر ْ

سـورية أصّتْ ضَفايرها مِن خمسِ سـنين

وحلفِـتْ أبلِ النَصـر ْ ماتطـوّل ْ ضَفايِـر ْ

وحـتّى تشـتري سـلاح للثّـوار ْ

سَـحبتهنْ مِن إيدها كلِّ الأسـاوِر ْ

بِـدَمّ ولادهـا عَـمْ تكـتبِ التـاريخ ْ

وتزرع ْ أرضها للجلادينْ سـيوف ْ وخناجِـر ْ