متى نجتمع على سفرة وحدة

الو مرحبا ماما

اهلين حبيبي

- كيفك شو عم تعملي ؟؟!!

-عاملة محاشي كوسا وبيتنجان و يبرق منشانك بالذات .. لانه بعرفك بتحب اليبرق كتير ..

تعال وجيب مرتك بسرعة مر على بيت أخوك و جيبهم معك وأنا بتصل على اخواتك البنات يجهزو حالهن لبين ما توصل لعندهن...

و لا تجيب معك شي لأنه كلشي موجود الحمدلله ، لااااا تجيب شي برجع بقلك

برضاي عليك يا ابني لا تتأخر بدّي ياك تاكل اليبرق سخن و ما راح آكل لتجي ها

( و انا ساكت عالتلفون تاركها عبتحكي )

و هون سكتت شوي و طلع صوت البكى و كملت بصوت بطيء

مع الدموع و قالت :

نسيت يا أمي إنك ب تركيا و نسيت إنه نحن أنا و أبوك بالاردن و نسيت إنه اخوك بالسعودية صار  و كل واحد ببلد وأختك بالمانيا..

للحظة تذكرت أيّام زمان و كيف بنص ساعة كنتوا تجتمعوا عندي بالبيت و نأكل و نضحك و نمزح ..

يا ابني ياترى بضل عايشة لحتى نجتمع كلياتنا على سفرة وحدة .. يا ابني مابظن نجتمع إلا عند ربنا ..

راحت أيّام الفرح يا ابني..

- و هون أنا توقف الحكي عندي و سكتت و طلع صوت بكاها أعلى و وقفت كمان هيي عن الحكي

و سكرت الموبايل...

و أنا عم قول ياترى في عيلة بسورية بترجع تجتمع من جديد

قولوا_يارب -